Prosjektleiar, Julie Sundgot Andersen, under signering av samarbeidsavtale læring – næring. Dimo

I den forbindelse har noverande prosjektleiar, Julie Sundgot Andersen, valt å sei opp si stilling og gir med dette stafettpinnen over til nye krefter.

Julie har vore prosjektleiar for Vekst i Hareid i 4 år og har no valt å søke seg tilbake til den maritime næringa der ho kom ifrå. Julie skal starte i ein nyoppretta stilling i Entec Evotec allereie frå juni av. I arbeidet med Vekst i Hareid har prosjektleiar, saman med eit sterkt styre, etablert eit viktig fundament i næringsutviklinga i Hareid kommune. Ein har gradvis spissa satsinga i prosjektet og styret har sterke ambisjonar for vegen vidare. Styret vil no gå i gang med tilsetting av ein ny prosjektleiar. Her vil det vere spennande moglegheiter for rette kandidaten.

Vekst i Hareid

• Omstillingsprosjekt som arbeider for næringsutvikling i Hareid kommune
• Prosjektet starta med eit forprosjekt i 2019. Hovudprosjektet starta medio 2020
• Består av ein prosjektleiar som er tilsett i 100% stilling og ei styringsgruppe som består av personar med erfaring frå ulike roller i næringslivet, politisk ledelse og kommuneledelse.
• Fylkeskommunen finansierer 50% av prosjektet, Hareid kommune 25 % og næringslivet i Hareid 25%