Eigenandel ved institusjonsopphald
Brukarar som har langtidsopphald på institusjon betalar ein del av inntektene sine i eigenandel. Denne betalinga er regulert i forskrift om eigenandel for kommunale helse- og omsorgstenester.
Utrekninga av eigenandelen er svært indivuduell og baserer seg på inntekter, gjeldsutgifter, type pensjon og om vedkomande har forsørgeransvar og andre forhold. Brukar, og eventuelt pårørande, skal få god informasjon om kva som ligg til grunn for berekninga av eigenandelen ved starten av opphaldet.
Svært enkelt forklart betalar brukaren 75 prosent av inntekten inntil 1 G (118 620 kroner per 1. januar 2024) og 85 prosent av inntekten over 1 G. Betalinga skal likevel avgrensast slik at alle skal ha minst 25 prosent av 1 G og eit fribeløp som for 2024 er på 9900 kroner.
Kurdøgnprisen, som avgjer maksimal eigenandel, er 2635 kroner i 2024. Det betyr at ingen betaler meir enn 2635 kroner gonger talet på dagar i månaden i eigenandel.
Etter vedtak om langtidsplass vil brukar/pårørende få tilbod om møte med sakshandsamar for informasjon om eigenbetalinga.
Etter at langtidsplass er innvilga vil brukar/pårørende få tilbod om møte med sakshandsamar.
Her vil ein legge fram dokumentasjon som er innhenta og gir grunnlag for vedtaket om eigenbetaling for langtidsplass.
Dette betalingsvedtaket er førebels. Endeleg betalingsvedtak vert utrekna etter at skatteoppgjeret for inneverande år ligg føre.