met.no

Det er ikkje venta særleg nedbør dei næraste dagane, ifølgje yr.no. Tørt vêr over tid aukar risikoen for brann i gras, lyng og skog.

Hareid kommune ber alle innbyggarar og besøkande om å vere ekstra varsame og ikkje bruke open eld ute i naturen.

Gult farevarsel – dette betyr det

Farevarselet frå Meteorologisk institutt seier at:

• vegetasjonen kan lett antennast
• brannar kan spreie seg raskt
• store område kan bli råka

Du kan lese meir om skogbrannfare og farevarsel her.
 

Generelt bålforbod frå 15. april

Frå og med 15. april gjeld det eit generelt bålforbod i heile landet. Forbodet varer kvart år til 15. september og er heimla i brann- og eksplosjonsvernlova.

I denne perioden er det forbode å gjere opp open eld i eller nær skog og utmark. Dette omfattar mellom anna bål, grillar og eingongsgrillar. Forbodet gjeld også på strender, svaberg og andre utmarksområde.

I perioden med bålforbod er det likevel lov å tenne bål om det er openbert at det ikkje kan føre til brann – til dømes der det ligg snø eller at det har vore ein lengre nedbørsperiode.

Den som gjer opp eld, har alltid ansvar for at det ikkje oppstår brann.