Om ei drøy veke startar elevane på skulen igjen, og vi vil jo at dei skal kom trygt fram – og trygt heim igjen.

Vi vaksne tenker kanskje ikkje over det, men ein gjennomsnittleg fyrsteklassing er under 120 cm over asfalten. Busken som du lett ser over, både hindrar barna i å sjå kva som er på andre sida, og gøymer dei for bilistane som kjem køyrande.

Buskar og hekkar som veks ut i fortau eller vegbane, må også klippast.

Det er faktisk regler for kor høg hekken eller buskane dine kan vere:

• Buskar og hekkar skal ikkje vekse utover eigedomsgrensa.
• I soner som krev fri sikt, skal vegetasjon ikkje vere høgare enn 50 centimeter – også ved snø
• Fotgjengarar, syklistar og rullestolbrukarar må ikkje bli tvungne ut i vegbanen på grunn av vegetasjon.
• Hekkar, buskar og tre må ikkje skjule trafikkskilt eller vegnamnskilt.
• Greiner frå tre må ikkje henge lågare enn 2,5 meter over bakken eller 4,7 meter over vegbanen.