Erlend Friestad
Statens kartverk vedtok 13. januar 2025 skrivemåten av to stadnamn i Hareid kommune.
Dei vedtekne stadnamna er som fylgjande:
- Gomyra – bruk, bnr. 41/4 og 41/884
- Rema – jorde
- Språkrådet tilrår Remabrua for brunamnet og Remastubben for adressenamnet.
- Fylkeskommunen er vedtaksmynde for namn på bru på fylkeskommunal veg, og kommunen vedtek adressenamn.
Vedtaket er gjort med heimel i paragraf 7 tredje ledd i lov om stadnamn.
Dokumenter
Vedtaksbrev (PDF, 3 MB)
Tilråding frå Språkrådet (PDF, 112 kB)
Klage
Dei som etter paragraf 6 bokstav a til c i lov om stadnamn har rett til å ta opp saker om skrivemåten av stadnamn, har etter paragraf 12 rett til å klage på vedtak. Klagefristen er tre veker frå meldinga om vedtaket er kome fram til mottakaren, jf. paragraf 9 i forskrift om stadnamn. Dersom meldinga skjer med offentleg kunngjering, startar klagefristen den dagen vedtaket vert kunngjort første gongen. Dei som har klagerett, har rett til å sjå saksdokumenta, som er arkiverte hjå vedtaksorganet. Det er høve til å søkje om utsett iverksetjing av vedtaket til klagefristen er ute eller klaga er avgjord.
Ei eventuell klage skal sendast til Kartverket med kopi til kommunen. Klaga skal grunngjevast, og grunngjevinga må omtale alle namn eller namneledd klaga gjeld.
Når ein tek opp ei klagesak, gjeld dei same sakshandsamingsreglane som for namnesaker elles. Dersom vedtaket vert oppretthalde, sender Kartverket saka vidare til Klagenemnda for stadnamnsaker, som er oppnemnd av Kulturdepartementet.