Hareid kommun
Her på øya er vi ikkje framande for å bade også i vinterhalvåret, men det er klart at fleire blir freista når sola skin og temperaturen stig.
No har uteseksjonen i kommunen gjort klar stranda for sommarinnrykket. Vi har lagt ut landgangen til flytebrygga og montert utedusjen på stranda.
Frå 1. mai er sanitæranlegget er ope dageleg mellom klokka 07-21.
LES OGSÅ: Slik kjem du deg trygt til Overåsanden til fots eller sykkel
Overåsanden er kjend for kvit sand, krystallklart vatn og gode badetilhøve. Stranda ligg skjerma for vind, har sjeldan havtåke og byr på badebrygge, utedusj og sanitæranlegg. Det er også som oftast god plass – både på stranda og til parkering i området.
At Overåsanden er ein favoritt, er det mange som er samde om. I ei lesaravstemming i Sunnmørsposten i fjor sommar, vart stranda kåra til favorittstranda på Sunnmøre, med 1033 røyster av totalt 4278. Det seier sitt om kor høgt Overåsanden er verdsett.
Har du lyst å teste dette?
Hareid kommune