Peder Alme  Kulde, regn, snø og slaps er hardt for asfalt. På slitte vegar oppstår det fort hol i vegen under slike forhold og mykje nedbør gjer at dei kan vekse raskt.

Tilsette ved kommunalteknikk har dei siste dagane vore ute med grus for å tette hola vi har fått melding om og veit om. Grus er eit førebels tiltak, sidan oljegrus ikkje kan nyttast før det blir varmare i vêret.

Ser du feil som ikkje er fiksa? Send oss ein e-post på postmottak@hareid.kommune.no. Skriv kvar det er og legg gjerne med eit bilete også.

Du kan også nytte Fiksgatami – ein nettportal som sender inn meldinga på dine vegner – og samstundes registrerer feilen i eit kart.