Det er ein tradisjon i Hareid at partia som stiller til val i kommunen samarbeider for å få ut informasjon om kven som stiller og kva program dei stiller på.
Tysdag møttest dei i kommunestyresalen der dei la inn listene og programma i ein felleskonvolutt, og så samarbeida dei om å køyre ut konvolutten til alle husstandane i kommunen.
Annika Brandal
I tillegg til dei lokale programma finn du også fylkesprogrammet til alle dei lokale partia* i tillegg til Kristeleg Folkeparti.
LES OGSÅ: Her kan du førehandsrøyste i Hareid kommune
Dessverre var Arbeidarpartiet sin brosjyre forseinka, så alt materiell frå dei vil kome i postkassene på eit seinare tidspunkt.
Spørsmål knytt til innhaldet i denne konvolutten må rettast til partia. Du finn kontaktinformasjon på nettsidene eller Facebook-sidene deira.
På laurdag kan du også møte alle partia på stand i sentrum mellom klokka 11-15. Klokka 15 blir det også politisk debatt.
* INP si fylkesbrosjyre var forseinka
LES OGSÅ: Klarer du ikkje å kome deg til vallokalet? Då kan vi kome heim til deg.